પોતાની જાતને રોજ શું યાદ કરાવવું જોઈએ? * હું આત્મા છુ શરીર નથી અને શરીરને આપેલુ નામ પણ નથી. * ભગવાન ! હું રાજી છુ તમે જે કરશો તે મને ગમશે.

દીર્ધ જીવન માટે મહત્વના ઉપાય કયાં ? * સાત્વિક આહાર. -દુધ,ધી,ફળ,ઉપવાસને દિવસે લેવાતો આહાર. * શુધ્ધ હવા,નિર્મળ જળ અને પરિશ્રમ. * ચિંતામાંથી નિવૃતિ. * વીર્યનું સંરક્ષણ. * સદાચાર. * પ્રસન્નતા મળૅ તેવી પ્રવૃતિમાં રસ. * પ્રાણાયામ.

જીવનમાં સંયોગ-વિયોગ આદિ દ્રન્દ્રો અનિવાર્ય છે? * સામાન્ય ઉત્તર\’હા\’માં છે.લાખો લોકો સંયોગ-વિયોગ,રાગ-દ્રેષ,સુખ-દુઃખ.હર્ષ-શોક જેવા દ્રન્દ્રોમાંથી સપડાયેલા રહે છે.ભલે કોઈ એના નિશ્ચિત કારણ પર આંગળી મુકી શકે કે ન મુકી શકે. * જયા સુધી આપણામાં તમોગુણ,રજોગુણ અને સત્વગુણ પ્રવર્તે છે,ીટલે કે ત્રણેય ગુણાની હાજરી છે ત્યાં સુધી દ્રન્દ્રોની એક અથવા બીજી રીતે હાજરી રહેવાની.જે સમભાવની સ્થિર સ્થિતિએ પહોચી ગયા છે તેમને સંયોગ-વિયોગ જેવા દ્રન્દ્રો સતાવતા નથી.

આંતરિક શક્તિ વિકસાવવા શું કરવું? * ઇન્દ્રિયો અને અંતઃકરણનો વિચારથી અને નિશ્ચયબળથી સંયમ કરવો. * મનને જબરદસ્ત એકગ્ર કરવું.

ઉચ્ચ જીવન કોને કહેવું? * જેનાં વિચાર,વાણી અને વર્તનમાં સચ્ચાઈ,નમ્રતા,નિર્મળતા,નિષ્ઠા અને એકવાકયતા હોય. * જેમાંથી સૌ કોઈને શુભ જીવન જીવવાની પ્રરણા મળે. * જેના સમાગમ અને સહવાસથી પરમ શાંતિ અને આનંદ મળે

જીવનમાં હળવાશ કયારે અનુભવાય? * જીવનમાંક કઈ બની રહ્યુ છે અને બનશે તે આપણા હિતમાં જ હશે,આવો દઢ નિશ્ચય. * સરળતા અને શુધ્ધિનો નિત્ય સથવારો. * ઈચ્છાઓનો મહેલ ન રચવાની આદત. * જરૂરિયાતવાળી વસ્તુ ખપપુરતી રાખવાની આદત. * નિયમિતતા અને સુધડતાવાળુ દેનિક જીવન. * ચોખ્ખો વ્યવહાર.

જીવનમાં મોટામાં મોટી સિધ્ધિ કઈ? * પોતાને પોતાની ઓળખાણ થઈ જવી. * સ્થુલમાંથી સુક્ષ્મમાં પ્રવેશ અને અનણ્તનો અનુભવ. * આત્મસાક્ષાત્કાર. * નિઃસીમ પ્રેમને અખંડ વહેતો રાખવો.

જીવનને સંપુર્ણ બનાવવા શું આવશ્યક? * જ્ઞાન,ભક્તિ અને કર્મનો સમન્વય.

જીવનમાં શું ખુલ્લુ પડી જાય તો સારૂ? * કરેલા દોષો.

સરળ જીવન કોને કહેવું ? * જે હૈયે હોય તે હોઠે આવે અથવા જેનું ચિત નિર્મળ હોય અને હલનચલન નિષ્પાપ હોય. * વિચાર અને વર્તન વચ્ચે ઓછામાંઓછુ અંતર હોય. * વ્યવહાર આંટીધુંટી વિનાનો હોય અને હ્રદયમાં સચ્ચાઈ હોય.