ઓખાહરણ-કડવું-૮

ગણપતિના મૃત્યુથી ઉમિયાજીએ કરેલ વિલાપ
ઓખાહરણ-કડવું-૮      (રાગ-સાખી)

વાડી વિના ઝુરે વેલડી, વાછરું વિના ઝુરે ગાય;
બાંધવ વિના ઝુરે બેનડી, પુત્ર વિના ઝુરે માય.

ધન ધાન્ય અને પુત્ર, પુત્ર જ આગેવાન;
જે ઘેર પુત્ર ન નિપજ્યો, તેનાં સૂનાં બળે મસાણ.

પુત્ર વિના ઘર પાંજરું, વન ઊભે અગ્નિ બાળીશ;
શિવ શાથી માર્યો ગણપતિ, મારો પુત્ર ક્યાંથી પામીશ ?

(રાગ:વિલાપનો)

બોલો હો બાળા રે હો ગણપત. બોલો હો બાળા.
શિવ રે શાને માર્યો તન,હો ગણપતિ (ટેક).

ઉમિયાજી કરે છે રુદન, હો ગણપતિ.
શિવ શાને માર્યો મારો તન, હો ગણપતિ.

શિવ પુત્ર વિનાની માય. હો ગણપતિ.
તેને સંપત્તિ પાઘેર જાય. હો ગણપતિ.

શિવ પુત્ર વિનાની જેની માય.હો ગણપતિ.
તે તરણાથી હળવી થાય, હો ગણપતિ.

ત્યારે શિવને આવ્યું જ્ઞાન, હો ગણપતિ.
મેં તો આપ્યું હતું વરદાન. હો ગણપતિ.

પેલા નારદિયાનું કામ, હો ગણપતિ.
જૂઠા બોલો છે એનું નામ, હો ગણપતિ.

એણે વાત કરી સર્વ જૂઠી, હો ગણપતિ.
હું તો તપથી આવ્યો ઊઠી, હો ગણપતિ.

મેં તો માર્યો તમારો તન, હો ગણપતિ.
આ ઊગ્યો શો ભૂંડો દન , હો ગણપતિ.
શિવજીએ ગણપતિને આપેલ વરદાન
(રાગ:આશાવરી)

નંદી ભૃંગી મોકલ્યા તે, પહેલી પોળે જાય;
હસ્તી એક મળ્યો મારગમાં, તે શિરે કીધો ઘાય.

તે ગજનું મસ્તક લાવીને , ધડ ઉપર મેલ્યું નેટ;
ગડગડીને હેઠે બેઠું, આગળ નીકળ્યું પેટ.

કાળા એના કુંભસ્થળ, વરવા એના દાંત;
આગળ એને સૂંઢ મોટી, લાંબા પહોળા કાન.

દેવમાં જાશે શું પોષાશે. અપાર મુજને દુઃખ;
દેવતા સર્વે મેણાં દેશે , ધન પાર્વતીની કુખ.

ત્યારે શિવજી બોલિયા,સુણો વાત રે સતી;
સુરિનર મુનિવર પૂજશે,ગણનાયક ગણપતિ.

By Jitendra Ravia

Jitendra RaviaIndian Journalist/Reporter, Editor of Daily News Paper, Writer/author of Magazine jeevanshailee, with responsibility of the Electronic media channel, GTPL.

jeevanshailee-requirement-ad
 
itinerary plus
Price 799 Rs.
 
itinerary plus
Price 599 Rs.
 
travel gujarati
Price 399 Rs.
 
 
 
market decides
 
 
Spread the Word - jeevan shailee
 
market decides
 
Gujarati Social Network
કેમ છો, મિત્ર.... ગૌરવવંતા ગુજરાતીઓ નો ફેસબુક પરિવાર આપનું સ્વાગત કરવા થનગની રહ્યો છે... અહી તમે અનેક ગુજરાતી લોકો ના સંપર્ક આવશો અને ગુજરાતી સાહિત્ય ની સાથે સાથે તમે તમારા વિચારો નું પણ આદાન-પ્રદાન કરી શકશો....તો ક્ષણ નો પણ વિલંબ કર્યા વગર જોડાઈ જાવ અને તમે પછ્તાશો નહિ એનો ભરોસો હું આપું છું..અને હા મિત્ર...જો તમને આ ગ્રુપ ગમતુ હોય તો તમારા મિત્રોને ગ્રુપમાં એડ કરવાનુ ભુલશો નહી.... jeevanshailee-requirement-ad
 
Sponsors