બાળકને ક્યારેય લાલચ ન આપો

બાળકોને લાલચ આપવાથી તેને ખોટી આદત પડે છે. ખોટા સમયે આપવામાં આવેલી વસ્તુ લાલચ જ કહેવાય, જે લાંબા ગાળે કુટેવને જન્મ આપે છે.
કોઈ પણ વસ્તુની લાલચ કદાચ બાળકને ટૂંકા ગાળા માટે કશુંક કામ પૂરું કરવા પ્રેરશે પણ લાંબા ગાળે તે નુકસાન કરશે. જેનાથી બાળકોને આવી વસ્તુઓ વારંવાર માંગવાની પ્રેરણા મળશે.
વધુ સારી રીતે કામ કરવા બદલ તેને પ્રોત્સાહન આપવું તે લાલચ નથી. લાલચ અને પ્રોત્સાહન વચ્ચે ઘણી પાતળી ભેદરેખા છે.
જેમ કે, તમે કહી શકો કે આજે સાગરના સારા માર્કસ આવ્યા છે તે બદલ ઘરમાં શીરો બનવો જ જોઈએ. પણ આજે સાગરે ઘરકામ પૂરું કર્યું છે તેથી હૉટલમાં તો જવું જ પડશે ! અહીં મોટો તફાવત છે. એક વાર હૉટલમાં લઈ ગયા પછી બીજા દિવસે ઘરકામ કરાવવાની રામાયણ તો રહેવાની જ છે.
રોજિંદાં કાર્યો આપ સહજ રીતે કરો છો તે જ રીતે બાળકોએ પણ કરવાં જ જોઈએ. તેમાં ક્યારેય બાંધછોડ ન કરીએ. લાલચ પણ ન આપીએ.
મા-બાપનો ફાયદો કઈ રીતે ઉઠાવવો તે બાળક વધુ સારી રીતે જાણે છે. તેમના માનસમાં સારાં કાર્યો કરવા બદલ ભેટસોગાદ અથવા વખાણના શબ્દો મળશે તેવી આશા જરૂર જન્માવીએ. પણ આને હંમેશની કસરત ન બનાવીએ.
સારાં કામો કરીએ અને તેની સાથે સારા શબ્દો સાંકળીને એક સ્વસ્થ અનુભવ બેસાડીએ. બાળકના મનમાં એક એવી ભાવના ઊભી કરીએ કે ભવિષ્‍યમાં આવાં કામો માટે તેને માતા – પિતાનો સહકાર જરૂર મળશે.

By Jitendra Ravia

Jitendra RaviaIndian Journalist/Reporter, Editor of Daily News Paper, Writer/author of Magazine jeevanshailee, with responsibility of the Electronic media channel, GTPL.

jeevanshailee-requirement-ad
 
 
 
market decides
 
 
Spread the Word - jeevan shailee
 
market decides
 
Gujarati Social Network
કેમ છો, મિત્ર.... ગૌરવવંતા ગુજરાતીઓ નો ફેસબુક પરિવાર આપનું સ્વાગત કરવા થનગની રહ્યો છે... અહી તમે અનેક ગુજરાતી લોકો ના સંપર્ક આવશો અને ગુજરાતી સાહિત્ય ની સાથે સાથે તમે તમારા વિચારો નું પણ આદાન-પ્રદાન કરી શકશો....તો ક્ષણ નો પણ વિલંબ કર્યા વગર જોડાઈ જાવ અને તમે પછ્તાશો નહિ એનો ભરોસો હું આપું છું..અને હા મિત્ર...જો તમને આ ગ્રુપ ગમતુ હોય તો તમારા મિત્રોને ગ્રુપમાં એડ કરવાનુ ભુલશો નહી.... jeevanshailee-requirement-ad
 
Sponsors