ઓખાહરણ-કડવું-૮૬

ઓખાહરણ-કડવું-૮૬
બાણાસુર ગોરવ નોતરે, સૌ કો સાથશું રે;
સાથે જમણની રીત, હળધર ભ્રાતશું રે,
શ્રીકૃષ્ણ કરે પ્રણામ, હળધર ભ્રાતશું રે.

તમો ગોરડી વેળા પધારજો, સૌ કો આવશે રે.
સાથે માણસની શી રીતે, ગમે તેને લાવજો રે,

વેવાણ ઘરમાં ગઈ; જ્યાં વરની માવડી રે,
તેના કુમકુમ રોળ્યા પાય, જઈ પાયે પડી રે,

અનિરુધ્ધની માવડી, બોલ્યાં રીત અમારડી રે,

ગોરડી મનાવીને ચાલીયાં, મનશું માલતાં રે;
હાલ હાલ કરો રસોઈ, રાંધણ ચાલતાં રે,

રસોઈ બહુ પ્રકારની, ગણતાં નવ લહુ રે,
કાં વસ્તુ અનેક, ગણતાં સહુ સહુ રે,

જાદવ કેરી જોડ, સહુકો સાથ શું રે;
આવ્યા શ્રી કૃષ્ણ મહારાજ, છપ્પન ક્રોડશું રે,

વેવાઈની વાત, કાંઇક સાંભળી રે;
ભોજન કરવા ઠામ, જુગતિઓ ભલી રે,

આજ્ઞા આપી રાય, સહુકો બેઠા થયાં રે;
એ તો સ્નાન કરી મંદિરમાં ગયા રે,

સ્મરણ કીધું નાથનું, બેઠા બેસણે રે;
નવજોબનવંતી નાર, નીકળી પીરસણે રે,

ચમકતા તકીયા ઘણા; ઝારી ને લોટડા રે,
માહે બેસણે બહુ વિવેક, દીસે ફુટડા રે,

બાવન ગજની થાળી, સોનાના વાડકા રે;
પીરસનારી પ્રમાણ, જમનારા લાડકા રે,

ખાંડ પકવાનના મેવા, બહુ ઘણા રે,
પુરણ ને દૂધપાક, સાકરીયા ચણા રે,

ગોટા ગળિયાં તડબૂચા, આંબા સાખશું રે;
પિસ્તા ને અખરોટ, દાડમ દ્રાક્ષશું રે;

તલ સાંકળી મોળા દહીંથરા, સેવ છુટી કળી રે;
ખોબલડે પીરસે ખાંડ, મરકી બેવડી રે,

ખાજા જલેબી દીસતી, દળીયાં મસમસે રે,
ઘેબર ને મોતીચૂર, જમતા સહુ હસે રે,

મગદળ ને મેસુર, પેંડા લાવીઆ રે;
પકવાન બીજા અને લાકડશી ભાવીઆ રે,

બાટબંધટો રાંધીએ, માંહે ખાંડ ભેળી રે;
ગવરીનાં તાવ્યાં ઘી, એવો ગળીયો રે,

સારો કર્યો કંસાર, પોળી પાતળી રે;
સાકરની મીઠાશ, આવી કચોળે ભરી રે,

જમવા બેઠી નાર, જાદવની બાપરી રે;
જમતાં કહો ભલા રે, લવિંગ સોપારી એલચી રે,

પાન સમારીઆ રે, બીડલે બાસઠ પાન,
સહુને આપિઆં રે.

સાજન હતું શ્રીકૃષ્ણનું, તે સરવે જમ્યું રે;
પ્રેમાનંદના નાથ, ત્યાં વહાણું થયું રે.

By Jitendra Ravia

Jitendra RaviaIndian Journalist/Reporter, Editor of Daily News Paper, Writer/author of Magazine jeevanshailee, with responsibility of the Electronic media channel, GTPL.

jeevanshailee-requirement-ad
 
 
 
market decides
 
 
Spread the Word - jeevan shailee
 
market decides
 
Gujarati Social Network
કેમ છો, મિત્ર.... ગૌરવવંતા ગુજરાતીઓ નો ફેસબુક પરિવાર આપનું સ્વાગત કરવા થનગની રહ્યો છે... અહી તમે અનેક ગુજરાતી લોકો ના સંપર્ક આવશો અને ગુજરાતી સાહિત્ય ની સાથે સાથે તમે તમારા વિચારો નું પણ આદાન-પ્રદાન કરી શકશો....તો ક્ષણ નો પણ વિલંબ કર્યા વગર જોડાઈ જાવ અને તમે પછ્તાશો નહિ એનો ભરોસો હું આપું છું..અને હા મિત્ર...જો તમને આ ગ્રુપ ગમતુ હોય તો તમારા મિત્રોને ગ્રુપમાં એડ કરવાનુ ભુલશો નહી.... jeevanshailee-requirement-ad
 
Sponsors