ઓખાહરણ-કડવું-૩૬

ચિત્રલેખા સ્વપ્ન દ્રારા ઓખના સ્વપ્ન-ભરથારને આલેખે છે

ઓખાહરણ-કડવું-૩૬     (રાગ-કલ્યાણી)

ચિત્ર ચાળીને, વાનો વાળીને, રંગ ભેળીને, પટ મેલીને,

લેખણ લાવીને, કરમાં સાહીને, રંગ ભરતી રે, ચિત્ર કરતી રે.

 

હવે સ્વર્ગના લોક લખાય રે, લખ્યા સ્વર્ગલોકના રાય રે;

સુરલોક લખ્યા ને ભુરલોક લખ્યા, જમલોક અને તપલોક લખ્યા.

 

સત્યલોક લખ્યા, ને વૈકુંઠ લખ્યું, ગણલોક લખ્યા, ગાંધર્વ લખ્યા;

હવે ઓખાબાઇ તમે ઓરાં આવોને, આમાં હોય તો આવીને બોલાવો રે.

 

ઓખા આવી કાગળમાં જોય રે, એ તો રાતે લોચન રોય રે;

બાળ્ય બાળ્ય આ તો નથી ગમતું રે, એને રણવગડામાં મેલો જઇને રમતું રે.

 

ચિત્ર ચાળીને, વાનો વાળીને, લેખણ લાવીને, કરમાં સાહીને,

રંગ ભેળીને, પટ મેલીને, હવે પાતાળલોક લખાય રે.

 

પાતાળ લખ્યું,રસતાલ લખ્યું,અતળ લખ્યું, વિતળ લખ્યું તેણીવાર રે,

લખ્યા પાતાળલોકના રાય રે, નાગલોક લખ્યા તેણી વાર રે (૬)

 

વાસુકી નાગ લખ્યા ને તક્ષક નાગ લખ્યા, પુંડરીક નાગ લખ્યા તેણીવાર રે,

ને મણિધર નાગ લખ્યા, શેષનાગ લખ્યા તેણી વાર રે.

 

મારી ઓખાબાઇ સલુણી ઓરાં આવો ને, આમાં હોય તેને હસીને બોલાવો ને,

બળ્યું બળ્યું એનું દર્પ રે, હું શું સ્વપ્નાંતરમાં પરણી આવા સર્પ રે.

 

આ તો કાળા લીલા પીળા સાપ રે,લખનારી ચિત્રલેખા તારા બાપ રે.

 

ચિત્ર ચાળીને, વાનો વાળીને, દીવો બાળીને, કાજળ પાડીને,

હવે મૃત્યુલોક લખાય રે, લખ્યા મૃત્યુલોકના રાય રે.

 

અજમેર લખ્યું ને અલીઆર લખ્યું, મુલતાન લખ્યું,મારવાડ લખ્યું;

ખોરાસન લખ્યો ને બંગાલ લખ્યો, ને એકમુખા લખ્યા ને અષ્ટમુખા લખીયા ર.

 

શ્વાનમુખા લખ્યા, માંજરમુખા લખ્યા, હસ્તિમુખા લખ્યા ને ગર્ધવમુખા લખ્યા,

એકદંતા લખ્યા,ચરિત્રવાળાને,લખી વનસ્પતિ ભાર અઢાર રે.

 

ઓખા આવી જુઓ ભરથાર રે. બાઇ કાગળ લખ્યો તે તારો પાડ રે,

હું શું સ્વપ્નાંતરમાં પરણી આવાં ઝાડ રે.

 

બાઇ લખતાં તે લેખણ તૂટી રે; ખડિયામાંથી રૂશનાઈ ખૂટી રે,

થયા કાગળોના અંબાર રે, તને સ્વપ્નું નથી લાગ્યું સાચું રે.

 

By Jitendra Ravia

Jitendra RaviaIndian Journalist/Reporter, Editor of Daily News Paper, Writer/author of Magazine jeevanshailee, with responsibility of the Electronic media channel, GTPL.

jeevanshailee-requirement-ad
 
 
 
market decides
 
 
Spread the Word - jeevan shailee
 
market decides
 
Gujarati Social Network
કેમ છો, મિત્ર.... ગૌરવવંતા ગુજરાતીઓ નો ફેસબુક પરિવાર આપનું સ્વાગત કરવા થનગની રહ્યો છે... અહી તમે અનેક ગુજરાતી લોકો ના સંપર્ક આવશો અને ગુજરાતી સાહિત્ય ની સાથે સાથે તમે તમારા વિચારો નું પણ આદાન-પ્રદાન કરી શકશો....તો ક્ષણ નો પણ વિલંબ કર્યા વગર જોડાઈ જાવ અને તમે પછ્તાશો નહિ એનો ભરોસો હું આપું છું..અને હા મિત્ર...જો તમને આ ગ્રુપ ગમતુ હોય તો તમારા મિત્રોને ગ્રુપમાં એડ કરવાનુ ભુલશો નહી.... jeevanshailee-requirement-ad
 
Sponsors