કંટાળૉ કેમ આવે છે ? * જીવનનું ધ્વેય સ્પષ્ટ નથી. * ઓછી મહેનતે વધારે રળાવું છે અથવા મેહનત કર્યા વિના વધુ મેળવવું છે.

ખરો શિક્ષિત કોણ ? * અનેક વિકલ્પો વચ્ચે સ્વસ્થ રહી શકે તે. * વિવિધ શકયતાઓ વચ્ચે જેનો આત્મવિશ્વાસ ડગી જતો નથી તે.

આ  જગતમાં અપ્રગટ શું છે? * સુક્મ શરીરના ધટાકો. * જીવ,આત્મા અને પરમાત્મા. * જન્મ પહેલાની અને મરણ પછીની સ્થિતિ.

સૃષ્ટિમાં અને લોકાન્તરમાં શું ભેદ છે ? * સૃષ્ટિમાં ચોવીસ તત્વો રહેલા છે; -પાચ મહાભુત+પાંચ જ્ઞાનેદ્રિયો+પાંચ કર્મેન્દ્રિયો+શબ્દ સ્પર્શ,રૂપ,રસ અને ગંધ એ પાંચ એ પાંચ તન્માત્રાઓ+અન્તઃકરણ=મન, બુધ્ધિ,ચિત અને અહંકાર. * લોકાન્તરમાં ઓગણિસ જ તત્વો રહેલા છે. -પાંચ મહાભુતો સિવાયના બધા જ તત્વો.

સંસારમાં અમૃતનો અનુભવ કયાં થાય? * અસીમ પ્રેમમાં.

વાણીનો કયારે ઉપયોગ ન કરવો? * ક્રોધની પળોમાં મૌન રહેવું. -તલવારનો ધા રુજાઈ જાય છે પણ વાણીનો ધા જીવનભર અંક્તિ થઈ જતો હોય છે. * કોઈનું અહિત થતું હોય તેવી વાણી ન ઉચ્ચારવી. * સામી વ્યક્તિ સાંભળાવા તૈયાર ન હોય ત્યારે ન બોલવું.

પ્રાયશ્ચિત કોને કહેવાય ? * કરેલા દુરાચાર કે ક્રોધને ભુલી જવા માટેની તપશ્ચર્યા;એટલે કે ફરી એ દોષ ન થાય એ જાગૃતિ.

હ્રદયને કોણ ટાઢક આપી શકે ? * નિર્મળ પ્રેમ.

સ્થૂલ સત્તાના મુખ્ય લક્ષણ કયાં ? * સ્થૂલ સત્તા સાધનો પર આધારિત છે. *સ્થૂલ સત્તા ભય નિર્માણ કરે છે. * સ્થૂલ સત્તા સામ,દામ,દંડ અને ભેદમાં વહેચાયેલી છે. * પરિવર્તનશીલ છે,કાળને આધીન છે,મર્યાદિત છે અને પરાજયની સંભાવનાઓથી યુકત છે.

કોનાથી છેટા ચાલવું? * અસતથી. * જેનું હ્રદય મલિન હોય,જે સ્વાર્થને જ કેન્દ્રમાં રાખતો હોય,લોભી અને કંજુશ હોય.મુર્ખ હોય અને અભિમાની હોય તેનાથી.