પોતાનું અને પારકુ કોને ગણવું? * મૃત્યુને કારણે જે કાંઈ આપણી પાસેથી ઝુટાવાઈ જાય તે પારકું અને મૃત્યુ પછી પણ આપણી પાસે રહે તે પોતાનું. * પોતનું શુ અને પારકુ શુ તે નક્કી કરવું હોય તો શરીરના અને લાગણીના સંબંધો બીજા કોઈ ત્રાજવે તોળવાને બદલે મૃત્યુને ત્રાજવે તોળવા આ સંબંધો જો મૃત્યુની કસોટીએ ટકી રહે તો પોતના ગણાય.એવું બનતું નથી. – એ રીત મનુષ્યનો આત્મા સાથે જ પોતીકો સંબંધ હોઈ શકે.આત્મા સાથે સંબંધ બાધવાથી વ્યાપક અને નિર્મળ થવાય છે.

નરક એટલે શું? * સુખ અને શાંતિનો અભાવ. * અન્તઃકરણની દુઃખપુર્ણ અવસ્થા. * અધઃપતન. * હીનતમ સ્થિતિ.

કોને સમજાવવા પ્રયત્ન ન કરવો ? * જે પોતાને જ્ઞાની માનતો હોય તેને. * મૂર્ખને. * શંકાશીલને. * ઉપકાર પર અપકાર કરવાની વ્રુતિનું સેવન કરનારને.

કયા ચાર પુરૂષાર્થને મહત્વ અપાય છે ? * ધર્મ,અર્થ,કામ અને મોક્ષને. -ધર્મ અને અર્થ સાધનારૂપ છે. ધર્મ મોક્ષનું અને અર્થ કામાંનુંમ સાધન છે. * કામ અને મોક્ષ સાધ્યારૂપ છે -કામ શરીરનું સાધ્ય છે -મોક્ષ આત્માનું સાધ્ય છે.

અંધ કોને કહેવાય ? * જે યોગ્ય માર્ગને જોઈ ન શકે. * સત્યને સમજવાનો પ્રયત્ન ન કરે. * પોતાના પૂર્વગ્રહને ચસોચસ પકડી રખે. * અન્યના હિતનો વિચારના કરે. * જેના હ્રદયમાં કરુણા નથી તેને.

અહિં જન્મીને જોવા જેવુ શું છે ? * સર્જનની ક્રિયા(મૂળ અને અંત સહિત) * પરમાત્મા શક્તિની લીલા-લમણ. * આપણૂં આંતરિક જગત.

નવા પ્રશ્નો ઉભા ન થાય તે સારું શેની કાળજી રાખવી ? * જીભનો વિવેક પુર્વક ઉપયોગ. * પોતાનો સ્વભાવ પ્રશ્નો ઊભા નથી કરતો તે જોવું. * સરળ બાબતને ગુંચવાડાવાળી ન બનાવવી. * સામેથી પ્રશ્નોને આમત્રંણ ન કરવા. * જાણી જોઈએ પ્રશ્નો ઊભા ન કરવા. * જુના પ્રશ્ન નવે રુપે તો નથી આવતો ને, તે જોવું.

કઈ વ્યક્તિઓનો વિરોધ કરવો અ વ્યવહારુ ? * ગુણવાન સજજનોનો. * ડોકટરોનો,વૈધોનો. * લુચ્ચાલોકોનો. * સંપત્તિવાનોનો. * પાલન-પોષણ કરનારનો..

પ્રશ્નો ઉકેલવા શું કરવું જરુરી ? * પ્રુર્વગ્રહ વિના પ્રશ્નોને તપાસવા. * સામી વ્યક્તિના દષ્ટિકોણનો વિચાર કરવો. * અન્ય વ્યક્તિઓને કે સંયોગોને દોષ ન આપવો. * બધા વિકલ્પો વિચારી જોવા. * નિષ્ણાતની સલાહ લેવી. * વ્યવહારુ બનવું. * પ્રશ્નને સમજવા પુરતો સમય લેવો. * પ્રશ્નની તરફેણમાં અને વિરુધ્ધમાં શું છે તે સમજી લેવું.

પ્રકૃતિ શું છે? * ઇચ્છાશક્તિ અને તેના અંતર્ગત ત્રણ ગુણ સહિત ચોવિસ તત્વોનો સમુહ અથવા પરમાત્માની ક્રિયાશક્તિ. * પ્રગટીકરણનો મૂળ સ્રોત. * સર્વનું સ્થુલ કારણ. * પ્રરમાત્માનું પ્રગટ સ્વરુપ. * પ્રરમાત્માની વિષયો પરત્વેની ગતિ. * અવ્યક્ત ગર્ભબીજ. * સર્વ રુપોનું આદિ સ્થાન.