Headline »

આપણી આસપાસ બનતી ધટનાઓની ચિંતા કરવી ખરી?

August 23, 2018 – 10:00 am | 1,202 views

આપણી આસપાસ બનતી ધટનાઓની ચિંતા કરવી ખરી?
* ચિંતા કરવાથી ધટનાઓ પર સારી અસર થતી હોય તો ચિંતા કરી વાજબી ગણાય; પણ ધટનાઓમાં રૂપાંતર ન થતુ હોય તો ચિંતા કરવાને બદલે કાંઈ નક્કર થઈ શકતું હોય તો કરવું પુરુષાર્થ કરતો રહેવો.ચિંતા કરવાથી કોઈ કામ ઊકલતુ નથી; ઊલટુ કામ બગડવાની શક્યતા વધારે રહે છે.

Read the full story »
યુવા જીવનશૈલી

યુવા જીવનશૈલી

બિઝનેશ જીવનશૈલી

બિઝનેશ જીવનશૈલી

આધ્યાત્મિક જીવનશૈલી

આધ્યાત્મિક જીવનશૈલી

સ્ત્રી જીવનશૈલી

સ્ત્રી જીવનશૈલી

અન્ય…

અન્ય…

Home » Archive by Category

Articles in ઓખાહરણ

ઓખાહરણ-કડવું-૮૩

April 2, 2014 – 4:21 pm | 7,753 views

અનિરુદ્ધને લગ્ન માટે તેયાર કર્યો
ઓખાહરણ-કડવું-૮૩
હલહલ હાથણી શણગારી રે,
ઉપર ફરતી સોનાની અંબાડી રે.
તેના પર બેસે વરજીની માડી રે,
સોનેરી કોર કસુંબલ સાડી રે.
માથે મોડ ભમરીયાળો ઝળકે રે,
ઉષ્ણોદકે વરને કરાવ્યું સ્નાન રે.
નાનાંવિધનાં વસ્ત્ર પહેરાવ્યાં પરિધાન રે,
કનક મેખલા પોંચીઓ બાજુબંધ રે,
અનુપમ ઉપન્યો આનંદ રે.
મુગટ મણીધર ધર્યો અનિરુધ્ધ શીશ રે,
ઝળકે ઝળકે ઉદય જ જેવો દીસે રે.
કસ્તુરીનું તિલક કર્યું છે લાલ રે,
વળતી તેને ટપકું કર્યું છે …

ઓખાહરણ-કડવું-૮૨

April 2, 2014 – 4:16 pm | 453 views

ઓખાહરણ-કડવું-૮૨   (રાગ-ગુર્જરી)
ઓખાબાઈને લઇ સંચરો
કૃષ્ણ કેરી તરુણી, નિદ્રા નવ પોઢશો રે,
અનિરુદ્ધને તે લઈ સંચરો, રેવંતી જાગવું રે.
બળીભદ્ર કેરી તરુણી, નિદ્રા નવ પોઢશો રે,
અનિરુદ્ધને તે લઈ સંચરો, રુક્ષ્મણી જાગવું રે.
મહાદેવ કેરી તરુણી, નિદ્રા નવ પોઢશો રે,
ઓખાબાઈને તે લઈ સંચરો, પાર્વતી જાગવું રે.
ગણપતિ કેરી તરુણી, નિદ્રા નવ પોઢશો રે,
ઓખાબાઈને તે લઈ સંચરો, શુધબુધ જાગવું રે.
બાણાસુર કેરી તરુણી, નિદ્રા નવ પોઢશો રે,
ઓખાબાઈને તે લઈ …

ઓખાહરણ-કડવું-૮૧

April 2, 2014 – 3:42 pm | 9,356 views

ઓખાહરણ-કડવું-૮૧  (રાગ-ધોળ)
અનિરુદ્ધને સ્નાન ને પીઠી ચોળાય છે
પારવતીને પિયરનાં નોતરડાં રે,
બેસવા તો રૂડા લાવજો પાથરણાં રે;
તેડાવોને ઉદિયાચળ અસ્તાચળ રે,
તેડાવોને વિંધ્યાચળ પીનાચળ રે;
વરરાયને નાવણ વેળા થાય રે,
વરરાયને પીઠી ત્યાં ચોળાય રે.

ઓખાહરણ-કડવું-૮૦

February 28, 2014 – 9:56 pm | 462 views

ઓખાહરણ-કડવું-૮૦  (રાગ-સોહિણી)
દ્રારિકાથી શ્રીક્રષ્ણનાં પરિવારને શોણીતપુર તેડાવ્યો
હરિ હર બ્રહ્મા ત્રણે મળ્યા, દુઃખ ભાગીયાં રે;
ત્યારે દાનવનું શું જોર, મળ્યા મન માનીયા રે.
હર બ્રહ્મા વિષ્ણુ ત્રણ એક રે, દુઃખ ભાગીયાં રે;
તેમાં શી વઢવાઢ, મળ્યા,મન માનીયા રે.
શિવે બાણ કૃષ્ણને નમાવીઓ,દુઃખ ભાગીયાં રે;
શરીરે કૃષ્ણે ફેરવ્યો હાથ, મળ્યા મન માનીયા રે.
કાપ્યા હાથની પીડા મટી, દુઃખ ભાગીયાં રે;
જ્યારે પ્રસન્ન થયા જદુનાથ, મળ્યા મન માનીયા રે.
હવે ગરુડને દ્વારિકા …

ઓખાહરણ-કડવું-૭૯

February 28, 2014 – 9:55 pm | 437 views

ઓખાહરણ-કડવું-૭૯   (રાગ-ધનાશ્રી)
બ્રહ્માએ કરાવેલ શ્રીકૃષ્ણ-શિવનું સમાધાન
આ બેમાં કોને નિદુ તે, સાંભળો શિવ રણછોડજી;
વિરોધને વેગળો મૂકીને, પૂરો ભગતના કોડજી. (૧)
શંકર કહે છે કૃષ્ણને, તમે ક્યારે આવ્યા ભગવાનજી;
હરિહર બે કોટે વળગ્યા, દીધું ઝાઝું માનજી. (૨)
શિવે કૃષ્ણને તાળી મારી, બોલ્યાનો વિવેકજી;
વઢનારા કોઈ હશે પણ, આપણ એકના એકજી. (૩)
કૃષ્ણે ચક્રને પાછું લીધું, શિવે લીધું ત્રિશુળજી;
બ્રહ્માએ આવી સમાધાન કીધું, થયું પૃથ્વીમાં શુભજી. (૪)
શિવે લઈને પાસે તેડ્યો, …

ઓખાહરણ-કડવું-૭૭

February 28, 2014 – 9:54 pm | 443 views

ઓખાહરણ-કડવું-૭૭  (રાગ-ગુર્જરી)
બાણાસુરની પત્નિ શૃઈકૃષ્ણને કરગરી
કોટરા કહે છે કરગરી, એના બાપને ચાંપ્યો પાતાળ;
જાણશે તો ઘણું થાય, એ છે તમારો બાળ.
કરુણાસાગર કૃપાનિધિ, ક્ષમા કરો આ વાંક;
દીન જાણી દયા કરો, એ છે મારો રાંક.
ચક્ર ચતુરભુજે પાછું તેડ્યું, કરુણા કરી જગન્નાથ;
નવસેં છન્નુ કર છેદી નાંખ્યાં, રાખિયા ચાર હાથ.
રુધિરભર્યો આંસુ ગાળતો, આવિયો શિવની પાસ;
એમ કહીને પાયે લાગ્યો, સાંભળો ગતિ કૈલાસ.
એક મારી વિનંતી, તમે સાંભળો જુગદીશ;
સાંભળી …

ઓખાહરણ-કડવું-૭૮

February 28, 2014 – 9:53 pm | 516 views

ઓખાહરણ-કડવું-૭૮    (રાગ: સાગર)
એ ભરવાડો એ પીંઢારો, ગોકુળમાં ચારી ગાય;
મારા આપ્યા હાથને, તે છેદીને ક્યાં જાય ?)
બડબડતા ગણેશ ચાલ્યા, ઉંદરડે અસવાર;
મોર ઉપર સ્વામી કારતિક, ચાલ્યા શંકરના કુમાર.
સિંહ ઉપર વીરભદ્ર ચાલ્યા, વૃષભ ઉપર શિવરાય;
સેના બહુ ભેળી કરી, કહું તેહ તણો મહિમાય.
ડાકણ શાકણ ભૂત પ્રેત, પિશાચ વંતર માત્ર;
દડુક ચાલે ભૂતડાં, જેનાં હાલ્લાં સરખાં ગાત્ર.
હરિ જઈ કૃતવર્માને કહે છે, મહાદેવને સમજાવો;
આ શું ઉપરાણું કરી, …

ઓખાહરણ-કડવું-૭૬

February 28, 2014 – 7:00 pm | 473 views

ઓખાહરણ-કડવું-૭૬  (રાગ-ગુર્જરી)
બાણાસુરની પત્નિનું વર્ણન
શુકદેવ કહે તે વાત, વેવાણ આવિયાં રે,
જેની જોવા સરખી જાત, વેવાણ આવિયાં રે.
માથે કેશ વાંસની જાળ, વેવાણ…
જેનું નેત્ર સરોવર પાળ,વેવાણ…
જેના સુપડા જેવા કાન, વેવાણ…
જેનું મસ્તક ગિરિ સમાન, વેવાણ…
એની આંખ અંધારો કુપ, વેવાણ…
જેનું મુખ દીસે છે કદરૂપ, વેવાણ…
હળદાંડી જેવા દંત, વેવાણ…
દીઠે જાએ ન એનો અંત, વેવાણ…
એનાં સ્નત ડુંગર શાં ડોઝાં, વેવાણ…
કાને ઘાલ્યા છે હાથીના હોજાં, વેવાણ…
કોટે ખજુરાના તનમનીઆં, …

ઓખાહરણ-કડવું-૭૫

February 28, 2014 – 6:58 pm | 423 views

ઓખાહરણ-કડવું-૭૫  (રાગ-ઢાળ)
શ્રીકૃણ બાણાસુરના બધા હાથ છેદે છે
એવી વાણી સાંભળતાં, કોપ્યા દીનદયાળ;
બાણાસુરના હાથ છેદ્યા, સ્વામી શ્રી ગોપાળ.
કોપ કરી કરશસ્ત્ર મેલ્યું, વળતું તેણી વાર;
બે હાથ રહ્યા છે બાણાસુરને, તેનો કહું વિસ્તાર.
રુધિર વહે છે બાણાસુરને, મન થયો નિરાશ;
મહાદેવજીએ હાથ આપ્યા, માટે ગયો કૈલાશ.
નારદ ચાલી આવિયા, જ્યાં બાણાસુરની માંય;
તારા કુંવરના હાથ વાઢિયા, કહો શી વલે થાય ?

ઓખાહરણ-કડવું-૭૪

February 28, 2014 – 6:58 pm | 549 views

ઓખાહરણ-કડવું-૭૪  (રાગ:ઝુંલણા છંદ)
બાણાસુર શ્રીકૃષ્ણને કડવા વેણ કહે છે
અલ્યા જા પરો જા નંદના છોકરા, વઢવાને અહીં તું શીદ આવ્યો,
અલ્યા નીચ ગોવાળીયા જાત કહાવ્યો, તું તો મારી સાથે નહિ જાય ફાવ્યો.
અલ્યા ગોકુળેમાંહી તું ગાવડી ચારતો, પરનારી કેરાં તું ચીર હરતો,
હાથમાં લાકડી, ખાંધે હતી કામળી, મધુવન વિષે તું તે ફરતો.
સાંગ શ્રી સૂર્ય તણી, તેજ ત્રિશુળ તણું, મારા હાથમાં તેહ ચમકે,
મારે ક્રોધે કરી ડોલે …